განათლების, მეცნიერებისა და ახალგაზრდობის სამინისტროს დაქვემდებარებაში მყოფმა უწყებამ, შპს „საგანმანათლებლო რესურსებმა“, 7 აგვისტოს განცხადება გაავრცელა. უწყების ცნობით, ჩინეთიდან სასკოლო ფორმების იმპორტი და საქართველოში მოწოდება სამ ნაწილად განხორციელდება: I ეტაპი — 25 აგვისტო; II ეტაპი — 15 ოქტომბერი; III ეტაპი — 30 ნოემბერი. ოფიციალური ინფორმაციით, პირველი კლასელები სასკოლო ფორმების შეძენას 1-დან 14 სექტემბრამდე პერიოდში შეძლებენ. რაც შეეხება II–VI კლასის მოსწავლეებს, მათთვის ფორმების გაყიდვა მომდევნო ეტაპებზე — ოქტომბრიდან დეკემბრის ჩათვლით იგეგმება. შეგახსენებთ, რომ სამინისტროს ახალი ინიციატივით, საჯარო სკოლების დაწყებით საფეხურზე სასკოლო ფორმის ტარება სავალდებულო ხდება.

ხობის მუნიციპალიტეტის სოფელ ქარიატაში, მდინარე ხობისწყალში, მაშველებმა ორდღიანი უწყვეტი სამძებრო-სამაშველო სამუშაოების შემდეგ, 32 წლის ქალის, ელენე სახეიშვილის ცხედარი იპოვეს. “ჩემს თვალწინ გაიზარდე ელე. დუტო, დუტო, დუტოლას მეძახდი პატარა რომ იყავი. ცურვაც იქ ისწავლე, სადაც დაასრულე ყველაფერი ხორციელი ცხოვრებიდან. ლაზარეს გადარჩენისთვის იბრძოლე… ხელს არ უშვებდი ლაზარეს, არც ახლა გაუშვი ხელიდან. მთელი საქართველო გგლოვობთ შენ და ლაზარეს… ისღა დაგვრჩა ნუგეშად, შენი თავი გვაპოვნინო…”- წერს დაღუპული დედა-შვილის ახლობელი სოციალურ ქსელში. ცნობისთვის, 6 აგვისტოს მდინარე ხობისწყალში დინებამ დედა-შვილი გაიტაცა. არსებული ინფორმაციით, ბავშვი მდინარეში შევიდა და დინებამ გაიტაცა. დედა მის დახმარებას შეეცადა, თუმცა ძლიერმა დინებამ ისიც გაიტაცა. ბავშვის ცხედარი ადგილობრივებმა შემთხვევიდან რამდენიმე წუთში იპოვეს და მდინარიდან ამოასვენეს, ხოლო დედის სამძებრო-სამაშველო ოპერაცია მთელი დღის განმავლობაში და დღესაც უწყვეტ რეჟიმში მიმდინარეობდა. სამძებრო სამუშაოში ადგილობრივებიც მონაწილეობდნენ. შემთხვევის ადგილზე მობილიზებული იყვნენ პოლიციის, საგანგებო სიტუაციების მართვის სამსახურისა და სასწრაფო სამედიცინო დახმარების ეკიპაჟები.

საეჭვო ვითარებაში გაუჩინარებული გურამ დადიანიძის საქმის ერთ-ერთი მოწმის, ნოდარ კიკნაძის, სატელეფონო ჩანაწერი. “ჩვენც განადგურებულები ვართ, რაც მედიაში ვრცელდება არის სიცრუე” – აცხადებს 12 წლის გაუჩინარებული გურამ დადიანიძის საქმის ერთ-ერთი მოწმე. აღსანიშნავია, რომ როგორც გადაცემა “შენი ამბავის” წამყვანი ავრცელებს ინფორმაციას, ამ ზარის შემდეგ ნოდარ კინაძემ ავტომოპასუხეზე დააყენა ტელეფონი და აღარ პასუხობს.

ხობის მუნიციპალიტეტში 6 აგვისტოს ტრაგედია დატრიალდა. მდინარე ხობისწყალში დედა-შვილი დინებამ გაიტაცა. 7 წლის ლაზარე ადგილობრივებმა ტრაგედიის ადგილიდან დაახლოებით 400 მეტრში იპოვეს და ბავშვის ცხედარი ამოიყვანეს. დედის სამძებრო სამუშაოები ამ დრომდე მიმდინარეობს. შემთხვევის ადგილზე მობილიზებული არიან პოლიციის, საგანგებო სიტუაციების მართვის სამსახურის ეკიპაჟები. „ლაზარეს გადარჩენისთვის იბრძოლე… ხელს არ უშვებდი ლაზარეს, არც ახლა გაუშვი ხელიდან. მთელი საქართველო გგლოვობთ შენ და ლაზარეს… დღეს დილას უკანასკნელად მომესალმე, თურმე. ისღა დაგვრჩა ნუგეშად, შენი თავი გვაპოვნინო…” – წერს ოჯახის ახლობელი.

ხობის მუნიციპალიტეტში მდინარე ხობისწყალში, მაშველებმა მდინარიდან დედის ცხედარი ამოასვენეს. შემთხვევის ადგილზე მობილიზებული არიან პოლიციის, საგანგებო სიტუაციების მართვის სამსახურის ეკიპაჟები.

სოციალურ ქსელებში ბოლო დღეებია აქტიურად ვრცელდება 12 წლის წინ გადაღებული ვიდეო, რომელშიც ისმის ბიჭის ხმა – „კახა, არ მიმატოვო“. 2014 წელს გაუჩინარებული 17 წლის გურამ დადიანიძის დედა, სოფიო ბიბილაშვილი აცხადებს, რომ ვიდეოში მისი შვილის ხმა ისმის. ამის შესახებ მისი ადვოკატი, ტარიელ კაკაბაძე წერს და ვიდეოს იმ მონაკვეთასაც აქვეყნებს, სადაც ბიჭის ხმა ისმის. „ბოლო წამებზე ნამდვილად ისმის განწირული ხმა – „კახა, არ მიმატოვო, გეხვეწები“. გურამის დედა კატეგორიულად ადასტურებს, რომ ეს არის მისი შვილის ხმა. ეს ვიდეო 12 წლის წინ დაიდო იუთუბზე“, – დაწერა უფლებადამცველმა. 17 წლის გურამ დადიანიძე 2014 წელს გაუჩინარდა და მას შემდეგ მოზარდის კვალს ვერ მიაგნეს. ის, დუშეთის რაიონის სოფელ ქვემო მლეთაში, ლომისობის დღესასწაულზე ექსკურსიაზე იმყოფებოდა. გაუჩინარებული ბიჭის დედა, სოფო ბიბილაშვილი შვილის პოვნაში დახმარებას დღემდე ითხოვს.

6 აგვისტოს მდინარე ხობისწყალში დაღუპულ დედა-შვილს ნათესავი ემოციურ წერილს უძღვნის: